முன்னேறி கொண்டிருக்கிறேனா ?

தெரியவில்லை.,

பல வினாக்கள் என்னுள் 

பதில் சொல்லத்தான் எவருமில்லை...

சில நேரம் 

ஓடுவதாய் உணர்கிறேன்.

சில நேரம் நடப்பதாய்.
சில நேரம் பறப்பதாய்.,

பாதை இல்லா வழியில்

ஓர் பயணம்.

வழியில் எவரையும் காண இயலவில்லை... 

முன்னே சென்றவர்கள் 

திரும்பாமல் இருந்திருக்கலாம்,

எவரும் செல்லாமலேயும் இருந்திருக்கலாம்.

 

வெகு தொலைவில் பின்னால் சிலரை காண்கிறேன் 

அவர்களுக்கு நானே முன்னோடி .,

என் பயணக்குறிப்பை அவர்கள்

வெற்றிக்கதையாக படிக்கலாம், 

தோல்விக்கதையாகவும்  கூட.

அவ்வபோது இடறிவிடும் வழிக்கற்களையும் 

முட்புதர்களையும், பெரும் பாறைகளையும்     

போற்றுகிறேன்...

என் பயணத்தை ருசியாக்குபவை 

அவைகள் தான்...

எனக்கு தோல்வி தருபவை.,

என்னை மேலும் மேலும் பலமாக்குபவை.,

முன்னேறி கொண்டிருக்கிறேனா ?

முன்னேறி விட்டேனா ?
தெரியவில்லை.

ஒன்று மட்டும் நிதர்சனம் 

நேற்று நின்ற இடத்தில் 

இன்று நான் இல்லை.

இன்னும் இன்னும் வேண்டுகிறேன்
தோல்விகளை.,

இன்று அதை தாண்டி 
ஜெயிப்பதிலான  சுகம்தனை கண்டபின்.